ВИДЕО | Јутјубер дозволил да го касне пајак црна вдовица, па снимал што се случило потоа
Еден Јутјубер решил да покаже што се случува кога ќе ве касне црна вдовица. Намерно дозволил да го касне пајак и документирал сѐ.
Препорачано
Џек Шенхоф често објавува видеа во кои ги проценува средбите со опасни животни и ги снима неговите реакции на каснувања и убоди. Во серијата „How DEADLY is a Bite…“ реши да го тестира каснувањето на еден од најотровните пајаци во светот за да покаже дека е најопасен за луѓето со слаб имунитет. Сепак, и покрај ова, Џек ја опиша болката во долниот дел на грбот како „најлошата во неговиот живот“. Му требаа речиси две недели за целосно да се опорави.
„Во суштина, каснувањето е страшно, боли, но нема да ве убие“, вели Јутјуберот во видеото кое стана вирално.
Што е црна вдовица?
Пајакот црна вдовица (Latrodectus mactans) е отровен пајак познат по својот моќен невротоксин, кој може да предизвика сериозни симптоми кај луѓето.
Денес, смртните случаи од каснување од црна вдовица се исклучително ретки, особено во развиените земји. Благодарение на современата медицинска нега, вклучувајќи аналгетици, мускулни релаксанти и, во некои случаи, антиотров, каснувањето успешно се лекува и симптомите се ублажуваат.
Стапката на смртност од каснување од црна вдовица е помала од 1 отсто. Историски гледано, смртните случаи се случиле пред развојот на модерната медицина, особено кај децата, постарите и хронично болните.
Кој е во поголем ризик?
Деца (поради помала телесна тежина)
Постари луѓе
Луѓе со срцеви или имунолошки заболувања
Симптоми на каснување
Каснувањето од црна вдовица често не предизвикува непосредна болка или на почетокот се чувствува само блага непријатност. Сепак, во рок од 30 минути до неколку часа, може да се појават следниве симптоми:
Интензивна болка која се шири од местото на каснување на други делови од телото
Мускулни грчеви, особено во стомакот
Гадење и повраќање
Зголемено потење
Висок крвен притисок
Забрзано чукање на срцето
Прва помош
Останете смирени – паниката може да го забрза ширењето на отровот низ телото.
Исчистете ја раната – измијте го местото на каснување со сапун и вода.
Нанесување ладна облога – ставете ладна облога на местото на каснување за да ја намалите болката и отокот.
Избегнувајте непотребни движења – ограничете го движењето за да го забавите ширењето на отровот.
Побарајте лекарска помош – веднаш контактирајте со лекар или со собата за итни случаи, особено ако симптомите се влошат.
Третман – терапијата вклучува лекови против болки и мускулни релаксанти за грчеви. Во потешки случаи, може да се администрира антиотров, но неговата употреба зависи од проценката на лекарот.
Превенција
Избегнувајте темни и влажни места каде што може да престојуваат црни вдовици.
Носете заштитна облека и ракавици кога работите на отворено или во магацини.
Редовно проверувајте и одржувајте ги просторите за да ја намалите можноста пајаците да се населат.
