Лука Дончиќ и Никола Јокиќ одиграа фантастични натпревари за Далас и Денвер изминатата вечер.

Дончиќ завчера стана татко откако неговата свршеница на свет ја донесе ќерката Габриела и поради тоа доби ден одмор, а против Оклахома се врати на паркетот. Неговиот тим загуби со 120:126, меѓутоа Дончиќ дојде до својот втор трипл-дабл сезонава.

Натпреварот Дончиќ го заврши со 36 поени, 15 скока и 18 асистенции. Сепак, тоа не беше доволно да се спречи неуспехот на „телињата“.

Никола Јокиќ во победата на Денвер против Сакраменто од 117:123 дојде до осмиот трипл-дабл сезона со учинок од 36 поени, 13 скока и 14 асистенции, а истовремено одново влезе во историјата со нешто што никој не го направил последните 40 години.

Српскиот репрезентативец два натпревари по ред дојде до двоцифрен учинок во три статистички категории и тоа со најмалку 30 постигнати поени, а при тоа да нема ниту една загубена топка, што одамна не се памети во најсилната лига на светот.