Кошаркарите на Денвер ја совладаа Оклахома со 140:127 во НБА лигата за вкупно 42. победа оваа сезона.

Српскиот кошаркар на Нагетс, Никола Јокиќ беше еден од најдобрите поединци на натпреварот со уште еден дабл-дабл учинок.

Јокиќ постигна 35 поени, запиша 18 скокови и осум асистенции. За Денвер Џамал ​​Мареј имаше 34 поени, а двоцифрени беа и Мајкл Портер Јуниор со 17, Пејтон Вотсон и Расел Вестбрук со по 16 и Кристијан Браун со 14 поени.

Најдобар играч на Оклахома беше Лу Дорт со 26 поени, а Шеј Гилџес-Александер натпреварот го заврши со 25 поени.

Во Западната конференција Денвер е на второто место (42-23), зад водечката Оклахома (53-12).

НБА лига, резултати:

Атланта – Филаделфија 132:123
Бостон – Јута 114:108
Бруклин – ЛА Лејкерс 111:108
Мајами – Шарлот 102:105
Торонто – Вашингтон 119:104
Чикаго – Индијана 121:103
Хјустон – Орландо 97:84
Мемфис – Феникс 120:118
Оклахома – Денвер 127:140
Сан Антонио – Далас 129:133
Голден Стејт – Портланд 130:120
Сакраменто – Њујорк 104:133