Кошаркарите на Денвер нагетс го победија Торонто репторс со 127:125 по продолжението на гостински терен во НБА лигата.

Најголем придонес во триумфот имаше српскиот кошаркар Никола Јокиќ кој запиша 40 поени, 10 скокови и четири асистенции.

Ова е прва победа сезонава за Нагетс, откако претходно беа поразени од Тандер и Клиперс.

Во победничкиот тим Кристијан Браун и Џамал ​​Мари постигнаа по 17 поени, а Арон Гордон се истакна со 16 поени, 11 скокови и осум асистенции.

Кај Репторс, предводен од српскиот тренер Дарко Рајаковиќ, Скоти Барнс забележа 21 поен, 12 скокови и девет асистенции, а Ар Џеј Берет реализираше 20 поени.

НБА лига, резултати:

Орландо – Индијана 119:115
Атланта – Вашингтон 119:121
Бостон – Милвоки 119:108
Мајами – Детроит 106:98
Њујорк – Кливленд 104:110
Торонто – Денвер 125:127
Мемфис – Чикаго 123:126
Сан Антонио – Хјустон 101:106
Далас – Јута 110:102
Феникс – ЛА Лејкерс 109:105
Сакраменто – Портланд 111:98