Српската пејачка Сара Јовановиќ, позната како Сара Јо, е една од најпопуларните млади изведувачки на поп музика во регионот, чиј новогодишен концерт со нетрпение го очекуваа нејзините бројни обожаватели.

Но, нејзиниот настап на еден од белградските плоштади го одбележа една непријатна ситуација – пејачката се сопна за време на изведбата на песната „Сандра Мељниченко“. Како вистински професионалец во својата работа, таа бргу стана и продолжи да пее и да игра.

Сара Јо сподели видео од тој момент на својот инстаграм-профил и се пошегува на своја сметка.

„Не знам за вас, но јас веќе нурнав во 2024 година“, напиша таа и додаде неколку емотикони кои илустрираат смеење.

Многумина се насмеаја, а дел и дадоа и поддршка за нејзиното професионално однесување.

„Браво за реакцијата и за професионализмот. Се надевам дека не се повреди, но знам дека ти ќе продолжеше со настапот дури и да се повредеше. Среќна Нова година и продолжи да газиш“, ѝ напиша нејзината колешка, пејачката Јелена Карлеуша.

ВИДЕО | Диво и провокативно: Новиот спот на Сара Јо ги „запали“ мрежите