ВИДЕО | Историја на СП: Португалија елиминирана, Мароко ќе игра полуфинале!
Падна и Португалија пред фантастичната репрезентација на Мароко, Кристијано Роналдо и друштвото во четвртфиналето го завршуваат настапот на овој Мундија.
Препорачано
Мароко во денешното четвртфинале повторно одигра во свој стил, одлично во одбраната и успеа да слави со 1:0. Португалија во текот на целиот натпревар направи само една посериозна прилика за гол кога Гонсало Рамош ја погоди стативата од голот на Боно. Таа статива на Португалците дојде само неколку минути по голот на Ел Несири во 42. минута.
En Nesyri HO HO HO HO HO HOpic.twitter.com/OxSClACkRz
— Siaran Bola Live (@SiaranBolaLive) December 10, 2022
Кристијано Роналдо и овој натпревар го започна од клупата за резерви, а селекторот Сантош го уфрли во 51. минута на местото на Рубен Невеш. Сепак и Роналдо не помогна Португалија да биде опасна, па Мароко ќе игра историско полуфинале. Останаа Мароканците со играч помалку во 93. минута кога исклучен беше Чедира кој заработи два жолти картони за само две минути.
Не е ова историско полуфинале само за Мароко, туку е историско за цела Африка. Мароко стана првата африканска репрезентација која ќе игра полуфинале на едно Светско првенство.
