Колку домови за стари лица има во државава, како се стигнува до нив, која е цената, но и дали се доволни одговор бараме од првиот човек на Министерството за труд и социјална политика министерката Јована Тренчевска. Во утринската емисија на „Слободен печат“ на Слободна ТВ, Тренчевска вели дека грижата за стари лица не треба да биде само една недела во годината.

– Градењето на старски општински домови е во надлежност на министерството за труд и социјална политика, а потоа ги предаваме во надлежност на општините. Ние само градиме, а потоа одржувањето, управување и грижата се на општините. Има стандарди како треба да изгледа еден дом. Имаме 5 домови во моментов општински, еден се гради во Пробиштип и еден е во најава во Кавадарци. Се повеќе се отвараат приватни домови и се покрива цела држава со нив. Има 40 во моментов, Битола, Струмица 3 домови Радовиш, Неготино и најмногу во Скопје- вели Тренчевска.

Според неа во општинските старски домови по критериум се сместуваат лицата кој го одредува државата, а министерството со социјалните инспектори ја прави контролата на работењето.

-Општината ги утврдува цените за сместување на нејзините домови, а приватните цената ја формираат во зависност од условите кои ги нудат. Тука немаме влијание. Само надлежноста ни е во контролите. Ние ги контролираме со редовни и вонредни надзори. Кај нас претставките се околу грижата. Ако плаќаме бараме и услуга да биде соодветна. Има домови со високи цени. Ние кога е родител во прашање бараме услови, да се соодветни со цената. Мора да има доволен број на негователи медицински лица, има недостиг на кадар- вели Тренчевска.

Целото интервју со министерката за труд и социјална политика Јована Тренчевска погледнете го во продолжение: