Статистичките информации во денешно време се од суштинско значење за процесот на одлучување во едно општество.

-Кога станува збор за споредување на Државниот завод за статистика во поглед на примената на европските стандарди за статистика, а посебно со земјите членки на Европската Унија, ние можеме да оцениме дека реално добро се котираме во примената на овие стандарди. Ова се должи на нашата определба да не чекаме со примената на стандардите и започнуваме многу порано, а тоа е во почетокот на 90-тите години. Во споредба со другите институции во државата, Државниот завод е можеби прва институција, ако не и прва што користи европски средства за да ги примени европските стандарди во статистиката. Во одредени области постои 100% хармонизација со стандардите на Европската Унија што оди во прилог на нашата политика како држава која е кандидат за членство. Ова го истакна директорот на Државен завод за статистика Апостол Симовски во емисијата „Утрински печат“ на Слободна ТВ.

Државниот завод за статистика е стручна и самостојна организација во рамките на државната администрација во Република Северна Македонија. Основни функции на институцијата се прибирање, обработка и дисеминација на статистички податоци за демографските, социјалните и економските појави во македонското општество.

-Европската Унија во последната година донесе 70 регулативи, а околу 1200 се однесуваат на работата на институцијата која е задолжена да ги собира обработува статистичките податоци. Ние во овој поглед сме усогласени околу 70% и имаме обврска, како сите други членки да испраќаме податоци за многубројни области. Од Унијата добиваме поддршка во реализација на истражувањата што се должни да ги спроведеме на дневна основа, вели Симовски.

Кадровската политика е прашање што бара комплексен и долгорочен приод за да може да направиме Државен завод за статистика да ги задоволи потребите на деловниот сектор свет и државните органи.

-Република Северна Македонија нема формално образование за кадри што би биле ангажирани по дипломирањето во Статистиката или со други зборови речено нема специјализирано училиште за оваа намена. За таа цел е принудена да ги користи сите други кадри и да инвестира во нивна дополнителна обука околу една година. Знаењето и искуството за секој вработен што ќе биде примен сега и подоцна ќе биде стекнувано само преку работа во Заводот. Без оваа обука што сами ја спроведуваме врз секој вработен не може да се потпреме на кадарот што доаѓа во Заводот, а претходно не работел на проблематиката од статистиката. Политиката на вработување се темели врз прием на кадри пред да се случи заминувањето на кадарот од одредена позиција, пример оди во пензија, а тоа е така зашто мора обуката и стекнувањето на вештините за ново примените кадри да се врши пред да замине постојниот кадар, истакна директорот Симовски.

-Државниот завод за статистика е основен носител и координатор на статистичкиот систем на земјата и неговата улога и позиција во наредниот период очекувам се повеќе да расте од причина што освен како корисници што се јавуваат науката и државните органи, очекувам да се зголеми бројот на корисници од деловниот сектор, нагласува тој.

Директорот Симовски истакна дека една од поголемите активности на Државниот завод за статистика во наредниот период, поконкретно есенва е спроведување на истражување на земјоделскиот сектор што е обврска која произлегува две години по реализираниот попис на домаќинствата.

Целиот разговор со директорот Апостол Симовски погледнете го во видеото: