Заменик претседателот на СДСМ Сања Лукаревска во Слободен печат рече дека СДСМ има две опции за настап на претстојните избори за кои се размислува, а тоа е заеднички настап со владините коалициски партнери на заеднички листи, но како опција е можен и самостоен настап.

-Доколку зборуваме за заеднички листи имаме еден заеднички именител, а тоа е европската агенда. Тоа е нашиот европски фронт и секој оној што е на иста линија со нас во делот на европските вредности, стандард за граѓаните, економски развојни политики е добредојден во тој фронт. Од друга страна гледаме дека постои и антиевропски фронт со кои имаме дијаметрално спротивни гледишта на она што е актуелна политичка состојба на она кој и мисли добор а кој не на државата, така штто сметам ќе биде отворена борба помеѓу она што значи државата да оди напред и она штоо значи да застанеме и осстанеме во место па дури и да се вратиме назад. СДСМ е предводник на тој европски фронт исто како што видовме дека ВМРО-ДПМНЕ и Левица ќе бидат предводници на антиевропскиот фронт и тука дилемата е разрешена, вели Лукаревска.

Лукаревска смета дека таква европска егенда е видлива и кај опозициските партии на Албанците и затоа и тие се исто така добредојдени во проевропскиот фронт.

Според Лукаревска во јавноста се отвори една дилема и се зборуваше за две можни опции.

-Едната е заеднички листи со ДУИ и Алијанса, кои се наши актуелни коалициски партнери, значи да одиме на една листа или пак да одиме посебно со посебни листи меѓутоа европската приказна да биде заедничка и за двете опции. Значи за нас како СДСМ посебно со парламентарната коалиција меѓутоа и за ДУИ и за Алијаса посебно како наши владини коалициски партнери. И ова е тема и дилема и предизвик на кој тереба да разговараме во наредниот период, изјави за „Слободен печат“ заменик претседателот на СДСМ Сања Лукаревска.

Целото интервју со Сања Лукаревска погледнете го во продолжение: