Фудбалерите на Интер ја совладаа Специја со 2:0 на „Џузепе Меаца“ во натпреварот од 15. коло во италијанската Серија А.

„Нераѕурите“ така ја продолжија одличната низа и ја забележаа 10 победа во сезоната. Интер поведе во 36. минута со голот на Роберто Гаљардини после асистенцијата на Лаутаро Мартинез.

Домаќините ја зголемија предноста во 58. минута од белата точка, а овојпат Лаутаро беше во улогата на стрелец. Моментно миланскиот клуб е на второто место со 34 бодови, додека Специја е на 17 позиција со 11.

Болоња пред своите навивачи направи изненадување славејќи над Рома со 1:0. Единствениот погодок беше во 35. минута кога реализираше Матијас Сванберг.

Во генералниот пласман Болоња е осмопласирана со 24 бодови, додека римската „волчица“ е на петтото место со 25.