Фудбалерите на Интер стигнаа и до третата победа во низа откако вечерва го победија Удинезе со 2-1 со што направија уште еден чекор напред кон одбраната на шампионската титула.

Во овој натпревар Интер играше без капитенот Лаутаро Мартинез, но и во таква ситуација остварија победа. Стрелци на головите во првото полувреме беа Арнаутовиќ и Фратези, додека Димарко двапати асистираше.

Удинезе во второто полувреме преку Соле намали на 2-1 и во финишот создаде уште неколку добри прилики, меѓутоа Зомер не дозволи втор гол.

Со овој триумф Интер дојде до 67 бода, шест повеќе од Наполи кој вечерва го игра натпреварот од ова коло против Милан.