Четири дена по убедливата победа над Црвена звезда (4:0) во Лигата на шампионите, фудбалерите на Интер запишаа нов триумф во најдобрата италијанска лига.

Миланските „нераѕури“ триумфираа над Торино со 3:2 во рамките од седмото коло во Серија А.

Маркус Тирам одмараше во вторникот во ЛШ, а сега е јасно зошто. Французинот го комплетираше својот прв хет-трик во Интер со головите во 25, 35 и 60 минута.

По вториот погодок на Тирам, гостите направија во 36 минута преку Запата. Сè што направија гостите до крајот на мечот е да го ублажат поразот, постигнаа уште еден гол во 86 минута од пенал кој го реализираше Влашиќ.

На табелата Интер е второпласиран со 14 бодови, два помалку од водечкиот Наполи. Екипата на Торино е на шестата позиција со 11 бодови.