Eкипите на Интер и Арсенал им се придружија на Барселона и Пари Сен Жермен кои вчера обезбедија полуфинале во Лигата на шампионите.

Во возбудлив натпревар Интер и Баерн ремизираа 1-1 и благодарение на победата на „нероаѕурите“ на гостински терен од 1-2 обезбедија место помеѓу најдобрите четири екипи во Европа каде што ќе играат против Барселона.

Првото полувреме не донесе премногу возбудувања и мрежите мируваа. Кејн го доведе Берн во водство, но Интер успеа да ја анлузира предноста и да направи пресврт во три минути. Прво стрелаше Мартинез за израмнување за потоа во листата на стрелци да се запише и Павар. Баерн во 76. минута дојде до 2-2, но повеќе од тоа не можеше.

Во вториот натпревар Реал Мадрид беше далеку од некаков пресврт против Арсенал и вечерва претрпе пораз од лондонскиот клуб и на свој терен. Арсенал ја пропушти првата голема можност да дојде до водство кога Сака не реализираше најстрога казна, па и тука не видовме голови во првите 45 минути.

Сака успеа да се поправи за промашениот пенал и донесе предност за „топџиите“ во 65-тата минута, Реал само две минути преку Винсиус дојде до 1-1. За конечни 1-2 во завршницата се погрижи Мартинели. Арсенал во полуфиналето ќе се соочи со Пари Сен Жермен кој вчера ја елиминираше Астон Вила.