ВИДЕО | Илјадници луѓе излегоа на улиците на Шпанија во знак на поддршка за Палестинците
Илјадници луѓе вчера излегоа на улиците на Шпанија на 75-годишнината од Универзалната декларација за човекови права, протестирајќи против израелските убиства на цивили во Појасот Газа и кршењето на палестинските права. Демонстрантите со палестински знамиња се собраа на главниот плоштад во Мадрид, Пуерта дел Сол, пред зградата на регионалната влада.
„Денес, на Меѓународниот ден на човековите права, не смееме да ја заборавиме Палестина“, порачаа организаторите.
Од толпата извикуваа „Слобода за Палестина“, „Стоп за геноцидот во Газа“ и „Израел, терористичка држава“. Демонстрантите во Памплона, на северот на Шпанија, побараа „запирање на геноцидот врз Палестинците“ и крај на израелската воена операција.
„Човековите права умреа затоа што Израел, со безусловна поддршка на САД и ЕУ, спроведува геноцид како што е дефинирано од Високиот комесаријат за човекови права на ОН“, рече Лидон Сориано пред платформата „Бојкотирај го Израел“, која организираше собирот.
Поворката носеше транспарент на кој пишуваше „Стоп за холокаустот во Палестина“. Сличен протест се одржа и во Кордоба, на југот на земјата, но и на други места како Герника во Баскија.
Protesters Vandalize Starbucks During Pro-Palestine Protest In Barcelona
Hundreds of pro-Palestinian demonstrators marched through Barcelona in Spain, with some rallying in front of Starbucks coffee shops, smearing their windows and logos. pic.twitter.com/8ATqZtsltX
— deepankarthish (@deepankarthishb) December 11, 2023
По повод Генералната декларација, која била усвоена од Генералното собрание на Обединетите нации во Париз во 1948 година, денеска говореше и шпанскиот премиер Педро Санчез.
„Универзалната декларација за човекови права е стара 75 години и е порелевантна од кога било. Должност на сите е да ги браниме. Секогаш и секаде во светот“, рече Санчез.
Премиерот на Шпанија, кој претседава со ЕУ уште еден месец, во ноември го повика Израел за „неселективно убиство на палестински цивили“ и кршење на човековите права. Израел во знак на протест го повлече својот амбасадор од Мадрид.
