Со голот на Килијан Мбапе во 94 минута екипата на ПСЖ успеа да го совлада Реал Мадрид на домашен терен со 1:0 во првиот натпревар од осминафиналето на Лигата на шампионите.

Еден од најдобрите фудбалери на денешницата во финишот му пресуди на „кралскиот“ клуб чиј дрес можно е да го облече следното лето.

Париските „светци“ можеа да славеат и со поголема разлика, но во 61 минута пеналот на Лионел Меси го одбрани Тибо Куртоа.

Меси се обиде подоцна и од слободен удар, топката заврши покрај голот, потоа се обиде Мбапе на 15 минути до крајот на средбата кога топката помина покрај стативата.

Денеска составот на Карло Анчелоти не беше многу опасен, со само три обиди, ниту еден удар во рамките на голот на Џанлуиџи Донарума. Единствено во првото полувреме Бензема само се сакани со глава после корнер, но без реализација.

Реванш средбата ќе се игра на 9 март на стадионот „Сантјаго Бернабеу“ во Мадрид.

Лига на шампиони
Осминафинале, прв натпревар

ПСЖ – Реал Мадрид 1:0
Мбапе 90+4`

ПСЖ: Данило (Геје), Ди Марија (Нејмар), Донарума, Хакими, Кимпембе, Маркињос, Мбапе, Мендеш, Меси, Паредес, Верати.

Реал Мадрид: Алаба, Асенсио (Родриго), Бензема (Бејл), Карвахал (Лукас), Касемиро, Куртоа, Крос, Менди, Милитао, Модриќ (Валверде), Винисиус Јуниор (Азар).