Во денешниот прв натпревар од неделната програма во шестото коло на Серија А, Милан триумфираше со 1:2 против Удинезе. За составот од Удине иако беше на клупата за резервни играчи не доби шанса за настап македонскиот репрезентативец Илија Несторовски.

Повторно херој на „росонерите“ беше Златан Ибрахимовиќ кој го постигна победничкиот гол на средбата. Најпрво во 18 минута Швеѓанецот асистираше до Кесје кој успеа да донесе минимална предноста со која се замина на паузата.

Но, на стартот од вториот дел пенал за домаќините, прекршок во казнетиот простор направи Ромањоли, прецизен од белата точка беше Де Пол за израмнување.

Во 83 минута домашната одбрана не реагираше најдобро, тоа го искористи Ибрахимовиќ реализирајќи со „ножички“ од непосредна близина за конечни 1:2.

Клубот од „Сан Сиро“ останува на првото место на табелата во најсилното италијанско првенство со 16 бода, воедно и натаму без пораз.