Лас Вегас Голден Најтс, тим кој е основан пред шест години, ја освоија најсилната хокеарска лига во светот, американско-канадската НХЛ.

Лас Вегас го освои легендарниот Стенли куп триумфирајќи во финалната серија од плејофот против Флорида Пантерс со резултат 4:1 во серијата.

Во решавачкиот петти натпревар Лас Вегас победи со убедливи 9:3 и со тоа во рекордно време стигна до првата шампионска титула.

Овој клуб е основан во 2017 година, а неговата прва натпреварувачка сезона беше 2018/2019 година. Тогаш испаднаа во првото коло од плеј-офот, а веќе во третата сезона стигнаа до полуфиналето.

Минатата сезона не успеаја ниту да се пласираат во плеј-офот, па резултатот оваа сезона е навистина голем подвиг.