Утрово на социјалните мрежи граѓани алармираат дека е видлив густ чад кај депонијата Дрисла. Од Центарот за управување со кризи (ЦУК) велат дека депонијата само чади.

Граѓаните стравуваат дека се гори медицински отпад. Директорот ца ЦУК, Стојанче Ангелов информираше дека утрово се појавил мал пожар на Дрисла, кој набргу по избувнувањето бил изгаснат од скопската противпожарна бригада.

Пред две недели граѓани протестираа пред депонијата „Дрисла“ која се наоѓа во скопското село Батинци барајќи современа депонија по европски стандарди.

Инаку од ЦУК, информираат дека во текот на вчерашниот ден не е регистриран ниту еден пожар на отворен простор, а денеска не се пријавени нови пожари.