Еурофарм Пелистер со пораз го стартуваше настапот сезонава во ЕХФ Европската лига во дуелот со Скандерборг Архус од Данска на домашен терен во салата „Боро Чурлевски“ – Битола (27:30).

Играчите на тренерот Ларс Валтер имаа добар почеток, но на крајот славеа гостите и ги освоија првите боддови сезонава.

Словенечкиот голман на Еурофарм Пелистер, Урбан Лесјак се истакна со свои одбрани на овој меч, а една од нив е прогласена за најдобра на колото во изборот на ЕХФ.

Следниот дуел во натпреварувањето Еурофарм Пелистер ќе го има на 1 ноември во Португалија кај Агуас Санташ Миланеза.

Во меѓувреме битолчани в петок ќе играат против Скопје од 19.30 часот во рамките од домашната Суперлига.