Фудбалерите на Леганес го совладаа Хетафе со 1:0 во натпреварот од 29. коло на Ла Лига – на спектакуларен начин.

Врв на возбудувањата во самиот финиш на мечот беше голот на Диего Гарсија во втората минута од судиското надополнување, и тоа каков гол – атрактивни „ножички“ од седум-осум метри.

Претходно Гарсија ја прими топката од десната страна, со грбот беше свртен кон голот на гостите, а потоа следеше трик – ја подигна топката со десната нога, а потоа со истата нога ја фрли преку глава, при паѓање и ја испрати во мрежата.

Така Леганес дојде до исклучително важна победа, прва по четири меча без триумф (три порази) и вредни бодови во борбата за опстанок.

Голот на Гарсија можете да го погледнете на видео записот:

Derbi de 0-0 con 0 tiros a puerta en todo el partido y marcan este puto golazo de chilena en el último minuto el Leganes pic.twitter.com/2Lhe3hnt29

— rubén (@rubennatm) March 2, 2025