Најдобриот тенисер на светот Новак Ѓоковиќ триумфираше на „Белград опен“, откако денеска во финалето го совлада Словакот Алекс Молчан со 2:0 – 6:4, 6:3.

За српскиот ас ова беше 119 финале во кариерата, се закити со 83 шампионски трофеј до кој дојде на мечот против 255 играч на АТП. Ова е трета титула во Белград за Ѓоковиќ, претходно беше најдобар во 2009 и 2011 година.

Молчан во Белград ја забележа првата победа на АТП турнирите во кариерата и не само што успеа да стигне до борба за титулата, туку и го намачи Ѓоковиќ и дури четирипати направи „брејк“.

Ноле одигра далеку под своето ниво, но секојпат кога словачкиот натпреварувач ќе се закануваше со подигнување на нивото на играта, сепак до крајот немаше неизвесност околу победникот.

Можно е и Ноле да настапил со половина сили, бидејќи за неколку дена го очекува првиот меч на грен слем турнирот „Ролан Гарос“ на кој доаѓа со големи амбиции.

? 2009
? 2011
? 2021

?? @DjokerNole has his third title in Belgrade! #BelgradeOpen pic.twitter.com/zPKJVzX9fX

— ATP Tour (@atptour) May 29, 2021

Ѓоковиќ со страшна жрепка на „Ролан Гарос“, пред финалето Надал и Федерер!