Српскиот тенисер Новак Ѓоковиќ избори пласман во осминафиналето на Мастерсот во Шангај, откако со пресврт славеше против Германецот Јаник Ханфман со 2:1 во сетови (4:6, 7:5, 6:3).

Ханфман, кој моментално се наоѓа на 159. позиција на АТП-листата, неочекувано го доби првиот сет, но искуството и квалитетот на Ѓоковиќ излегоа на површина во продолжението од мечот. Во овој момент четвртиот светски рекет ја презеде контролата и обезбеди место меѓу најдобрите 16, каде ќе се сретне со Канаѓанецот Габриел Дијало кој се наоѓа на 35. позиција на АТП листата.

Како и многупати досега, мечот не мина без нервоза од страна на Ѓоковиќ. По еден момент на фрустрација и пцовка, следеше и една интересна реакција на коментаторот во преносот.

„Ако случајно не слушнавте, дали сакате да ви повторам? Можеби вие и би сакале, но јас не смеам“, гласеше неговиот коментар за оваа ситуација.

Преземено од: Спорт.ком.мк