Фудбалерите на Манчестер јунајтед со победа ја завршија 2021 година откако на „Олд трафорд“ со 3:1 го совладаа Барнли во рамки на 20 коло од Премиер лигата.

„Црвените ѓаволи“ работата ја завршија уште во првото полувреме кога беа постигнати сите четири гола.
Резултатот го отвори Скот Мектомини со голот во осмата минута, додека во 27 минура Бен Ми со постигна автогол.

Само осум минути подоцна, во листата на стрелци се запиша и Кристијано Роналдо за убедливо водство од 3:0. Гостите во финишот од првиот дел преку Арон Ленон само успеаја да го ублажат поразот.

Со победата, Јунајтед се израмни со Вест Хем на петтото место на табелата со 31 бод, но има и натпревар помалку од „чеканите“. Барнли остана во опасната зона, со 11 бода се наоѓа на делба на 18 место.