Фудбалерите на Фулам вечерва се пласираа во четвртфиналето на ФА Купот, откако по изведувањето пенали го совладаа Манчестер јунајтед со вкупни 5-4.

Тимот од Лондон поведе преку Келвин Баси во првата минута од судиското надополнување на првото полувреме.

Јунајтед, кој ја бранеше титулата освоена лани, израмни во 71. минута преку Бруно Фернандеш.

Следеа продолженијата, а потоа и пенал серијата, во која играчите на Фулам погодуваа сите четири пати, додека Виктор Линделоф и Џошуа Зиркзе беа непрецизни за Јунајтед.

Претходно пласман во четвртфиналната фаза обезбедија и тимовите на Астон Вила, Кристал Палас, Престон Норт Енд, Борнмут, Манчестер сити и Брајтон. Последниот осми патник ќе го дознаеме во понеделник по одигрувањето на мечот Нотингем форест – Ипсвич таун.