Бразилецот Роберто Фирмино ги брои последните денови во Ливерпул каде што настапува од 2015 година.

Фирмино пристигна пред девет години од Хофенхајм за 23 милиони фунти и со „црвените“ освои осум трофеи вклучувајќи ја и Премиер лигата во 2020. година и Лигата на шампионите во 2019., а уште двапат играше во финалето од најелитното европско натпреварување.

Денес по натпреварот против Астон Вила во кој беше стрелец на голот за изедначување во 90-тата минута за првпат зборуваше за своето заминување.

„За жал дојде време да заминам. Циклусот завршувам и свесен сум за тоа. Многу сум горд на се што направив, заедно испишавме прекрасна приказна. Беше апсолутно неверојатно. За се што поминавме заедно ми претставува чест и ме прави среќен“, изјави Фирмино.

An emotional Bobby Firmino departs the pitch at Anfield ❤️ pic.twitter.com/5H5V9TrjrK

— This Is Anfield (@thisisanfield) May 20, 2023

Со Салах и Мане кој си замина минатото лето формираа фантастично трио, едно од најдобрите во историјата на Премиер лигата.

„Понекогаш повеќе уживав во асистенции отколку кога постигнував голови. Беше фантастично да се игра покрај двајца врвни играчи, вечно ќе им бидам благодарен“, порача Фирмино.

Одлично Бразилец одигра 360 натпревари за Ливерпул, постигна 109 голови, 80 во Премиер лигата. Сезонава одигра 23 натпревари, постигна девет голови и додаде четири асистенции.