На кениската атлетичарка Фејт Кипјегон, која на Олимписките игри во Париз ја мина целта на трката на 5000 метри на второто место зад сонародничката Беатрис Чебет, која ја престигна во последните 200 метри, ѝ беше вратен сребрениот медал, кој привремено беше одземен поради дисквалификација.

Имено, судиите видоа дека Кипјегон среде трка ја турка Гудаф Тсегај од Етиопија и ја дисквалификуваа светската шампионка.

Меѓутоа, во контроверзната ситуација беше евидентно дека Тсегај е таа што ја нагази кениската атлетичарка.

Затоа, официјалните лица на Светската атлетика ја донесоа единствената логична одлука и ја вратија Кипјегон на второто место.

Така бронзениот медал ѝ припадна на Холанѓанката Сифан Хасан, а на чекор до победничкиот подиум остана Италијанката Надија Батоклети која накратко се радуваше на освоен медал.

Here is the shove in question involving Faith Kipyegon and Gudaf Tsegay… pic.twitter.com/6C1qGijDh6

— Chris Chavez (@ChrisChavez) August 5, 2024