Ракометарите на Металопластика приредија мало изненадување со минимална победа против македонскиот шампион, Еурофарм Пелистер со 26:27.

Еурофарм Пелистер веќе го обезбеди пласманот во финалето каде што ќе игра против Олимпијакос, па така овој натпревар немаше резултатско значење.

Српскиот тим го отвори натпреварот со водство од 4:0, но македонскиот шампион возврати со серија од пет гола. Но, подоцна избраниците на Матиќ го вратија водството и на пауза заминаа со 12:16.

Играа пелистерци поангажирано во второто полувреме, па на десетина минути пред крајот се влезе во егал ситуација со 21:21. Во завршницата тимот од Шабац беше посконцентриран, па забележа минимален триумф.

Кузмановски со седум и Танкоски со пет гола беа најефикасни во македонскиот табор. Натпреварот за титулата се игра утре во терминот од 20:15 часот.