Протестот во Кочани попладнево почна мирно, но состојбата ескалираше кога дел од граѓаните пред општинската зграда почнаа да фрлаат со јајца и бараа да излезе градоначалникот.

Граѓаните извикуваа „убијци“, „секој еден може да е следен“.. дел од присутните удираа по вратите и прозорците на општината и го бараа градоначалникот Љупчп Папаозов, кој претходно поднесе оставка, да излезе надвор.

Демонстрантите се упатија кон кафулето на истиот газда кој ја водеше и дискотеката „Пулс“, во која во пожар загинаа 59 лица и го демолираа целиот простор. Граѓаните беа бесни и со камења маваа кон кафулето, со што го искршија стаклото, а потоа влегоа внатре и ги превртеа масите и столиците.

Папазов, на Фејсбук соопшти дека поднел неотповиклива оставка и побара од надлежните институции да ја испитаат одговорноста на сите инволвирани додавајќи дека целосно им стои на располагање на институциите.

Од Фејсбук:
ДЕМОЛИРАН кафичот Класик во Кочани, во сопственост на Дејан Јованов – Деко, сопственикот на “Пулс” pic.twitter.com/qsWLppySKh

— Bulutin (@Owllium) March 17, 2025