Американската манекенка и актерка Емили Ратајковски има препознатлив изглед кога станува збор за фризурата – долга и црна коса. Сепак, таа реши да направи мала промена и заврши со, како што самата вели, „најлошата фризура што ја имала во животот“.

Манекенката објави видео од себеси на платформата ТикТок и покажа како изгледа сега.

„Време е да ви раскажам нешто. Да, имам филтер врз себе затоа што ја имам најлошата фризура во животот и сакам да се чувствувам убаво“, објасни таа, па ја тргна раката и ја покажа фризурата.

„Мислите дека се шегувам? Имам шишки на задниот дел од главата“, рекла таа, а потоа се обидела да погоди што сакал да направи нејзиниот фризер, но не можела.

„Шокантно“, заклучила таа и додала дека донекаде може да ја сокрие својата лоша коса, но дека нема помош за неа доколку дува ветер.

@emrata♬ original sound – Emrata

Видеото ги насмеа фановите, кои напишаа бројни смешни коментар под објавата.

„Каква фризура сакаше?“, „Дали ќе го тужиш фризерот?“, „Мислев дека богатите ги немаат овие грижи“ и „Изгледаш како Лијам Галагер“ се дел од коментарите.