Едно лице загина, а уште шест се повредени во експлозија во кафуле во Санкт Петербург, јави ТАСС повикувајќи се на итните служби. Телеграм каналот „112“ јавува дека, според првичните информации, повредени се 16 лица.

Според изворот „Фонтанка“ ова кафуле и куќа 21Б му припаѓа на основачот на руската воена групација Вагнер, Евгениј Пригожин. Ова кафуле е собиралиште на клубот за дискусија „Kiber Z front“.

Телеграмскиот канал на CPC-OGPU потврдува дека креативна вечер со „воениот блогер“ Владлен Татарски се одржала во кафулето.