Рускиот ракометар, Тимур Дибиров и на 40 години е вистински лидер на ППД Загреб во Лигата на шампионите.

Ракометарот кои своите најдобри денови ги помина во Вардар и прерасна во вистински миленик на скопската публика и понатаму ја покажува својата класа.

Со својата специјалност Дибиров блесна и на последниот натпревар во елитното натпреварување, а тоа беше забележано и од ЕХФ.

„Уште една поезија од крило на Тимур Дибиров“, стои во објавата на ЕХФ.

Дибиров го напушти Вардар пред две сезони и се пресели во хрватскиот клуб кој би требало да биде негов последен клуб во кариерата.