Петтото место на Европското првенство организирано во 2012 година во Србија е до сега најдобриот пласман на една македонска машка сениорска ракометна репрезентација на континенталните шампионати.

Во тој период македонските навивачи ги имаше во голем број во Ниш и Белград давајќи огромна поддршка за нашите ракометари предводени од тогашниот селектор Звонко Шундовски што и влијаеше и на добрите резултати кои ги имавме во текот на натпреварите.

Во првата фаза од ЕП во салата „Чаир“ во Ниш македонските репрезентативци имаа реми против Шведска (26:26), минимален пораз од Германија (23:24) и триумф над Чешка (27:21).

Потоа, учеството го продолжија во Белградската арена каде бевме многу блиску да испишеме историја и за прв пат да стигнеме до борбата за медалите.

А сигурно клучен беше првиот дуел против Данска против која имавме и шест голови разлика во првото полувреме. На крајот среќата беше на страната на скандинавската селекција која во последните секунди од натпреварот постигна гол за победа. Подоцна Данска дојде до својата втора европска титула.

Овој меч на кој присуствуваа над 5000 македонски навивачи, секако ќе остане во сеќавање и по одличните игри на најголемите ѕвезди во двете репрезентации. Кирил Лазаров за Македонија имаше 13, а Микел Хансен за Данска 12 голови. Во продолжение видео записот кој го сподели Европската ракометна федерација (ЕХФ) на социјалните мрежи:

⚔️ A battle ??? ??? ???? ⚔️ Throwback to when Hansen and Lazarov combined for ?? ????? in #ehfeuro 2012 ?? #ehfeuro2024 pic.twitter.com/1uOsqNjdpk

— EHF EURO (@EHFEURO) May 3, 2024