Кошаркарите на Минесота ја победија Филаделфија на гостински терен со резултат 114:109 и ги задржаа шансите да го завршат регуларниот дел од НБА дури на третата позиција, бидејќи моментно имаат една победа помалку од Лејкерси кои се таму.

Ентони Едвардс стана шестиот играч во историјата на лигата кој постигнал 300 тројки во само 75 натпревари.

Минесота Тимбервулвс ја продолжи победничката серија на пет последователни натпревари, а во претходните седум мечеви победија шест пати.

Сиксерси го загубија 11-от последователен натпревар, но и 14-ти пат во последните 15 средби. Филаделфија последен пат победи на 16 март во Далас.

Беше израмнето во текот на целиот меч, а откако Филаделфија стигна до 111:109 на неполни 15 секунди до крајот, Едвардс од тешка позиција погоди тројка, за конечни 114:109.

Едвардс постигна 37 поени, Руди Гобер додаде 23 поени и 19 скокови, додека кај Филаделфија се истакнаа Квентин Грајмс со 28 поени, Гершон Јабуселе со 19 поени.

НБА лига, резултати:

Филаделфија – Минесота 109:114
Детроит – Мемфис 103:109
Мајами – Милвоки 115:121