Последниот брод од меѓународната флотила што носеше хуманитарна помош за Појасот Газа го продолжи своето патување кон палестинската енклава утрово, според организаторите, и покрај пресретнувањето на околу 40 други бродови од страна на израелската армија во четвртокот.

„Маринет продолжува да плови“, истакнаа организаторите на Глобалната флотила Сумуд синоќа на социјалните мрежи, додавајќи дека очекуваат наскоро да биде пресретнат. „Знаеме што нè чека“, нагласија тие.

Според геолокацијата објавена на веб-страницата на организаторите,  рано утрово, тој е многу блиску до палестинската енклава.

42 boats were illegally intercepted.

Their passengers unlawfully abducted.

The world saw what happens when civilians challenge a siege.

And still — Marinette sails on.

She knows the fate of her sisters on the water.

She knows what awaits. And sh… https://t.co/XAtq1RHLyK

— Global Sumud Flotilla (@gbsumudflotilla) October 2, 2025

„Доколку се приближи, нејзиниот обид да влезе во зона на активни борби и да ја пробие блокадата ќе биде спречен“, одговори израелското Министерство за надворешни работи.

Повеќе од 400 активисти на 41 брод од Глобалната флотила Сумуд беа уапсени од израелската војска за време на операција што траеше околу 12 часа, изјави синоќа израелски функционер.

„Тие беа безбедно транспортирани до пристаништето Ашдод и приведени од израелската полиција“, додаде функционерот, зборувајќи под услов да остане анонимен.

Израел вчера наутро објави дека сите на флотилата се „безбедни и здрави“ и ќе бидат депортирани во Европа.

„Им честитам на членовите и командантите на морнарицата кои ја исполнија својата мисија за време на Јом Кипур на најпрофесионален и најефикасен начин“, коментираше израелскиот премиер Бенјамин Нетанјаху.

ВО ЖИВО: „Ројтерс“ ја следи флотилата со хуманитарна помош за Палестинците – бродовите се доближуваат до Газа