Ѕвездите од „Дајте музика“ со интензивна енергија ја подигнаа атмосферата на сцената на детската Евровизија во Париз.

Кики (Кристина Мукаетова), Наташа (Анастасија Џабирски), Филип (Филип Поповски) и Миха (Миха Гигов) ја одржаа првата проба и испратија моќна порака со хитот „Green Forces“.

Македонските изведувачи ќе настапат со реден број 18 на манифестацијата која ќе се одржи в недела (19 декември). Автентичните костуми се со потпис на Јована Филиповиќ, а за целосните стајлинзи се погрижи и Цаци Паковска.

„Green Forces“ повикува за заштита на животната средина и справување со климатските промени, бидејќи нашата планета е единственото место кое е нашиот дом.

Песната е меѓу фаворитите за освојување на титулата, а видео-спотот за истата веќе има достигнато речиси 1,5 милиони прегледи.