Фудбалерите на Јувентус ја оправдаа фаворитската улога во 20 коло од најсилното италијанско првенство против Сасуоло (3:0).

Српскиот интернационалец Душан Влаховиќ во 15 минута со еден прекрасен удар од околу 18 метри ја испрати топката во горниот лев агол на противничкиот голман.

Во 37 минута Влаховиќ постигна уште еден убав гол, откосо од 20 метри од слободен удар, само што овој пат топката ја испрати во поблискиот агол.

Конечниот епилог во победата на „Старата дама“ го постави резервниот играч Федерико Киеза со погодок во 89 минута.

Екипата на Јуве по овој триумф на табелата во Серија А има моментно 49 бодови на втората позиција, два помалку од водечкиот Интер. Сасуоло е на 14 место со 19 бодови.