Во натпреварот од 31 коло во „Ла Лига“, Атлетико Мадрид ја победи Жирона со 3:1 на „Ванда Метрополитано“ во шпанската престолнина и со тоа заостана четири бода зад каталонскиот тим, кој е едно од најголемите изненадувања оваа сезона.

Гостинскиот тим успеа експресно да поведе преку својот најефикасен играч, Украинецот Артем Довбик во четвртата минута, но во преостанатиот дел од мечот домашните направија пресврт.

Израмнувачкиот гол го постигна Антоан Гризман од пенал во 34 минута, а Аргентинецот Анхел Кореа погоди во шестата минута од судиското надополнување за целосен пресврт.

Веќе во петтата минута од вториот дел Гризман со својот втор гол го потврди конечниот резултат.

Атлетико сега е во позитивна серија по победата против Борусија Дортмунд во Лигата на шампионите, а во вторник го очекува реванш во Германија.