Дрејк додели 10.000 долари на обожавателка која победила на натпревар за најдобар имитатор на неговиот изглед. Натпреварот, организиран од „Casuals Cakery“, се одржа во саботата во родниот град на Дрејк, Торонто, пишува „Ролинг стоун“ (Rolling Stone).

Пред настанот, Дрејк наводно дознал за натпреварот и стапил во контакт со пекарата за да ја изрази својата поддршка.

 

View this post on Instagram

 

A post shared by The Brandon Gonez Show (@brandongonezshow)

„Додавам 10.000 долари на натпреварот doppelganger како главна награда“, напиша Дрејк преку Инстаграм. Оригиналната награда вклучуваше шише виски и пакет пури Backwoods.

Пекарата, која ја објави нивната размена на пораки, одговори: „Дајте ми момент да престанам со хипервентилација. Не можам да верувам дека ова е ваш профил и знаете за ова, ве сакам“.

 

View this post on Instagram

 

A post shared by The Brandon Gonez Show (@brandongonezshow)

Раперот, кој не присуствуваше на натпреварот, сподели снимка од настанот снимена од фановите на неговиот Инстаграм. Тој стави емотикон со солзи од смеење и напиша: „Го сакам овој град“.

Како што соопштија од пекарницата, по жестоката конкуренција меѓу изгледите кои беа оценувани според стилот, креативноста и енергијата, победник беше Макајла Чемберс. Нејзиниот изглед вклучуваше плетенки, широка јакна и нацртана брада.

„Чувството е фантастично. Се чувствувам како да сум успеала“, изјави 21-годишната девојка.