ВИДЕО | Драматични сцени во парламентот на Непал, пратениците бегаат од зградата во пламен
Драматични сцени се појавуваат од Катманду, главниот град на Непал, каде што демонстранти против корупцијата ја нападнаа зградата на федералниот парламент, јавија светските медиуми.
Препорачано
-
1
-
2
-
3
Густ чад и видливи пламени јазици се издигаа од зградата додека илјадници луѓе се собраа во близина, пркосејќи на полицискиот час воведен по вчерашното пукање што дополнително го разгоре гневот на јавноста против владата.
Како што јавуваат светските новински агенции пламен и чад беа забележани во зградата Синга Дурбар, во која се наоѓаат парламентот и седиштето на владата, а големи толпи луѓе се упатија по патот кон комплексот. Во Катманду е нешто по 20 часот, а протестите против владата продолжуваат да го потресуваат главниот град на Непал.
Паника ја зафаќа политичката елита на Непал
Инаку протестите во Непал се без преседан и одразуваат длабоко незадоволство од политичката елита во земјата. Гневот на граѓаните е очигледен во нападите врз домовите на министрите и другите политичари, кои беа вандализирани и запалени, а некои функционери побараа заштита од безбедносните сили.
Protesters in Nepal have attacked and burnt down the houses of Nepal’s President, Prime Minister and other Ministers.
Kathmandu airport has stopped all operations.#NepalGenZProtest pic.twitter.com/MHfWdAzqfb
— With Love Bihar (@WithLoveBihar) September 9, 2025
Досега протестите немаа јасни барања, освен општ повик за борба против корупцијата. Се чини дека се спонтани и им недостасува организирано водство. Премиерот КП Шарма Оли поднесе оставка, но нема јасен наследник или привремена влада, оставајќи ја земјата во политички вакуум.
Безбедносните претставници и бирократите повикуваат на смиреност, додека политичкото раководство се повлече. Војската, која ужива одреден углед, би можела да помогне во враќањето на редот, иако не сака да ја преземе улогата на полицијата и безбедносните служби.
Непал имаше 14 премиери од 2008 година, а постојаната борба за власт и менувањето на партиските сојузи длабоко ги разочараа граѓаните, особено младите. Моменталниот приоритет е враќање на редот и стабилноста, но без јасно водство, понатамошниот развој на ситуацијата е целосно неизвесен, пишува анализата на Би-би-си.
Демонстрантите го запалија парлеменот претходно во денот
Nepal’s burning parliament is a lesson for all rulers: when people hold their oppressors accountable, even the grandest palaces are reduced to ruins. There is still time—give Punjab its rightful due#Nepal pic.twitter.com/srfQkONOwF
— Pallvai sinha (@SPullvi) September 9, 2025
