Тимот на Бостон изминатата вечер стигна до рекордната 18. титула во најсилното првенство во светот НБА лигата.

Во финалната серија, Бостон го победи Далас со 4:1. Бостон до клучната петта победа стигна на домашен терен со победа од 106:88.

Далас не се откажа и во минатиот натпревар намали на 3:1, но Дончиќ и друштвото не можеа до втора победа за останување во игра.

Најефикасен во таборот на новиот шампион беше Џејсон Тејтм со 31 поен, а признанието МВП во финалата серија му припадна на Џејлен Браун кој натпреварот го заврши со 21 поен. Лука Дончиќ за Далас уфрли 28 поени.