Словенечкиот кошаркар Лука Дончиќ зад себе има уште една фантастична вечер во која постигна 41 поен во победата на Далас против Хјустон од 121:115. За издвојување е и поразот на Вориорси откако имаа водство од 24 поени разлика во дуелот со Сакраменто (124:123).

Далас предводен од Дончиќ на кого пред само три дена му беше дијагностицирана скршеница на прстот дојде до нова победа. Дончиќ покрај постигнатите 41 поен со девет скокови и девет асистенции дојде на чекор од својот 59. трипл-дабл во кариерата. На спротивната страна трускиот кошаркар Сенгун беше најрасположен со 31 поен.

Голден Стејт против Сакраменто во еден момент од втората четвртина водеше и со 72:48, а тогаш изгледаше дека Вориорси ќе слават, но не беше така. Домаќините заиграа многу подобро во продолжение, додека ритамот на Кари и друштвото почна да оди во надолна линија, па дозволија голем пресврт.

Кари и Вигинс за Голден Стејт постигнаа по 29 поени, а со исто толку поени го заврши натпреварот и Фокс од редовите на Сакраменто.

НБА РЕЗУЛТАТИ:

Бостон – Чикаго 124-97

Бруклин – Торонто 115-103

Кливленд – Атланта 128-105

Мајами – Милвоки 124-131

Њујорк – Шарлот 115-91

Минесота – Оклахома 106-103

Далас – Хјустон 121-115

Сакраменто – Голден Стејт 124-123