Претседателот на САД, Доналд Трамп, ја изненади јавноста откако даде убав коментар по веста дека пејачката Тејлор Свифт и НФЛ ѕвездата Тревис Келси се вериле. Откако двојката официјално ја сподели радосната вест на 26 август, новинарите го прашаа Трамп што мисли на оваа тема за време на седница на кабинетот што се пренесуваше во живо.

„Им посакувам многу среќа. Тој е одличен играч и одличен човек, а таа е прекрасна личност. Навистина им посакувам сè најдобро“ изјави седумдесет и деветгодишниот Трамп, пренесува „Пипл“.

President Trump on Taylor Swift and Travis Kelce engagement: “I wish them a lot of luck. I think he’s a great player. I think he’s a great guy and I think that she’s a terrific person, so I wish them a lot of luck.” pic.twitter.com/xMd8wgMTZW

— CSPAN (@cspan) August 26, 2025

Овој одговор предизвика големо внимание затоа што претседателот во минатото често знаеше јавно да ја критикува пејачката. На неговите социјални мрежи неколкупати објавуваше написи против Свифт, особено откако таа ги поддржуваше демократските кандидати на изборите.

Минатата година, по нејзината поддршка за Камала Харис во трката за Белата куќа, Трамп напиша: „Ја мразам Тејлор Свифт“. Подоцна дури тврдеше дека по неговите изјави пејачката веќе не е била толку актуелна во јавноста.