ВИДЕО | Ракети и рози во задникот: Лавина негативни коментари по победата на „Лет 3“ кои ќе ја претставуваат Хрватска на Евровизија
Рокерите од Риека „Лет 3“ победија на хрватскиот музички фестивал „Дора“, а со песната „Мама ШЧ“ (Mama ŠČ) си обезбедија одење на Евровизија во Ливерпул, Британија.
Препорачано
-
1
-
2
-
3
Во текот на настапот, членовите на бендот пристагнаа со трактор, а беа облечени во стилизирани воени униформи и нашминкани, а еден од нив дури и го глумеше Ленин, држејќи две ракети во раката. Имаа и црвени рози во задникот.
Веднаш по победата на риечката група „Лет 3“ со песната „Мама ШЧ“ на „Дора“, со молскавична брзина почнаа да се нижат коментари на сметка на нивната победа. Покрај домашните гледачи, хрватскиот избор за песна на Евровизија го видоа и странските евровизиски фанови. Твитер е полн со коментари, кои, во најмала рака, не се позитивни.
Некои евровизиски фанови сметаат дека „Лет 3“ треба да биде дисквалификуван од овогодинешната Евровизија.
@Eurovision disqualify Croatia
— Drico is 30 today! (@DricoMonster) February 11, 2023
„Веднаш дисквалификувајте ја Хрватска или барем песната“, „Ѝ посакувам на Хрватска нула поени на Евровизија“, „Хрвати, што направивте? Ако ова се квалификува за финале, ќе бидам многу вознемирен“, „Што не е во ред со вас? “, „Нова година, нов неуспех на Хрватска да стигне до финалето“, „Дали Хрватска намерно се обидува да се саботира себе и да си ги намали шансите на Евровизија?“, „Другите земји барем се трудат“, се само дел од коментарите.
Сепак, има и такви кои се целосно воодушевени од песната како и од целиот настап.
„Ова е најдобрата песна што Хрватска ја праќа на Евровизија во последните неколку години“, „Песната е наменета за Лукашенко и Путин. Ја сакам“, „Хрватска ќе победи на Евровизија“, „Најсилната песна на Хрватска во последните неколку години“, „Јасно е дека Евровизија повеќе не е музичко натпреварување. Политика е. Затоа Хрватска има шанса да влезе во топ 5“, се мислењата на оние на кои им се допаѓа песната.
View this post on Instagram
По победата, Зоран Продановиќ – Прља и Дамир Мартиновиќ – Мрле од „Лет 3“ ги откриле своите впечатоци.
„Не знаеме како ќе стигнеме до Ливерпул“, рекол Прља, а Мрле додал:
„Ми рекоа дека подготвуваат трактор со посебен погон, на струја, не загадува, еколошки, и тоа некој нов тип на трактор.“
ФОТО+ВИДЕО | Нов скандал на „Санремо“: Италијанската дива се навреди поради местото на кое заврши
ВИДЕО | Дали оваа песна ќе победи на Евровизија? Веќе е хит на ТикТок!
Панк иконата Џон Лајдон нема да ја претставува Ирска на Евровизија
