Српскиот член на Претседателството на БиХ, Милорад Додик денеска присуствуваше на отворањето на бензинската станица во близина на Бања Лука, Босна и Херцеговина, настан кој се одбележа на необичен начин.

Додик присуствуваше на отворањето, заедно со седум попови на Српската православна црква, кои ја благословиле пумпата. На отворањето се одржа вистинска гозба, а само на пет метри од пумпите за точење бензин, беа поставени маси и столици со богато мени.

Истовремено на ражен се вртел цел бик, а свирела и жива музика, додека гостите на масите пиеле што ќе посакаат, јавуваат локалните медиуми.

Додик одржа и говор на свеченоста, при што рече дека „мора едни на други да си помагаме“ и ги повика граѓаните да точат гориво токму на таа бензинска.

„Република Српска е стабилна и сигурна. Не ни може никој ништо, посилни сме од судбината“, рече Додик, по што доби аплауз.