Младата фотографка Честити Хобс е голем љубител на животни и веќе има неколку мачки, куче и желка, но најголема ѕвезда на нејзините социјални мрежи е мачката Куса.

Нема ни една година, а веќе е толку голема што едвај се вклопува во прегратките на оваа девојка. Честити неодамна сподели видео на кое се гледа како Куса од мало бело маче пораснала во голем „ѕвер“ за само неколку месеци, а видеото брзо стана вирално.

„Немавме поим колку големо ќе стане нашето слатко маче“, напиша инфлуенсерката покрај видеото, објаснувајќи како Куса од маче што се вклопува во шолја за чај се претворила во огромен примерок на мачка за помалку од една година.

Она што е уште пофасцинантно е фактот дека Куса ќе продолжи да расте додека не наполни четири или пет години. Имено, таа припаѓа на расата Мејн Кун, која може да расте и да се развива до петгодишна возраст, за разлика од повеќето раси кои престануваат да растат кога ќе наполнат една година.