
ВИДЕО | Дембеле му пресуди на Арсенал, ПСЖ носи предност во Париз
Фудбалерите на ПСЖ го победија Арсенал вечерва со 1:0 во првиот натпревар од полуфиналето во Лигата на шампионите, со што се приближи до пласман во големото финале на најелитното клупско натпреварување во Европа.
Препорачано
Француската екипа поведе уште од самиот почеток на натпреварот. Кварацхелија беше асистент, а Дембеле го постигна голот за водство на париските „светци“ во четвртата минута од мечот.
ПСЖ ја имаше својата следна голема шанса во 31 минута. Дуе шутираше, но Раја одлично одбрани. Топката стигнува до Руиз, кој ја погодува стативата, но дефинитивно беше игран во офсајд позиција.
До крајот на првото полувреме, и англискиот клуб се закани, но шутот на Мартинели беше сопрен од Донарума.
Уште на почетокот од второто полувреме, домашните се радуваа, но не за долго. Рајс центрира, а Мерино постигна гол за израмнување, но по интервенцијата на ВАР голот беше поништен поради офсајд.
Арсенал се обиде да израмни, но во последните моменти од дуелот, ПСЖ пропушти неколку одлични можности за поубедлив триумф. Прво, Баркола шутираше малку покрај голот на Раја, а минута подоцна, Рамос ја погоди пречката.
ПСЖ се враќа во Париз со минимална предност што ќе ја брани на „Паркот на принцовите“. Реваншот ќе се игра на 7 мај, а победникот ќе се пласира во финалето каде што ќе игра против подобриот од второто полуфинале помеѓу Барселона и Интер.