Уживавме во секоја епизода од серијата „Пријатели“, но една епизода ја зеде титулата најомразена меѓу најголемите фанови.

Според рејтингот на „IMDb“ и коментарите на обожавателите, најомразената епизода од една од најдобрите серии од деведесеттите е официјално „Епизодата со поканата“. Од сите 236 епизоди, 21-та епизода од 4-тата сезона е најнеомилена.

Дали се обидувате да се сетите на оваа епизода што се емитуваше во април 1998 година? Дозволете ни да го освежиме вашето сеќавање.

Во оваа епизода, Рејчел добива покана за венчавката на Рос и Емили. Секако, ова не ѝ се допаѓа на Емили бидејќи Рос првично ѝ ветил дека нема да ја покани својата поранешна девојка, Рејчел.

По долго размислување, Рос сфаќа дека не може да не ја покани Рејчел на свадбата во Лондон. Епизодата се состои од многу спомени од односот на Рос и Рејчел, па не е ни чудо што на „IMDb“ епизодата е оценета со само 7,2, наспроти просекот од 8,5 на сите други епизоди.

Бидејќи сите навивавме за Рејчел и Рос, на многумина им беше тешко да го гледаат како Рос се жени со друга девојка.

Фановите беа пресреќни кога Рос случајно го изговори името „Рејчел“ пред олтарот. Сепак, љубовта на парот процвета дури откако Рејчел се откажа од кариерата во Париз со цел да остане со него.

Останатото е историја.