Мислите дека можете да го издржите тестот за стомачни на ФБИ?

ФБИ прифаќа апликации од луѓе меѓу 23 и 37 години – иако ветераните може да се квалификуваат за ослободување од возраста. Освен проверка на минатото, кандидатите мора да поминат и тест за физичка подготвеност кој се состои од правење стомачни вежби, склекови, спринт на 300 метри и трчање од 1,5 милји, пренесува „Њујорк пост“.

Дали можете да го поминете ФБИ тестот за стомачни? Еве колку треба да направите за една минута…

Кандидатот лежи на грб. Рамената треба целосно да бидат спуштени на подот, а рацете треба да бидата прекрстени преку градите. Прстите треба да ги допираат рамената. Друго лице му ги држи нозете.

Колената се свиткани под агол од 90 степени.

Кандидатот го крева горниот дел од телото додека лактите не ja допрат средината на бутот, пред да се вратат на почетната позиција. Колковите мора да останат во контакт со земјата, односно подлогата, во текот на движењето.

Сите кандидати добиваат една минута да направат што е можно повеќе стомачни. Тие треба да освојат барем еден поен во овој дел од фитнес тестот, пренесува „Њујорк пост“.

Еден поен се доделува на жени кои ќе направат 35 стомачни и на мажи кои ќе направат 38. Сè помалку од тоа значи дека сте паднале на целиот тест.

Жените кои ќе направат помалку од 30 стомачни и мажите кои ќе направат помалку од 32 губат два поени пред да бидат дисквалификувани.

Кандидатите мора да освојат најмалку 12 поени во тестирањето кое вклучува стомачни, склекови, спринт на 300 метри и трчање од 2,4 километри.

Ако направите најмалку 57 стомачни, ќе добиете максимални 10 поени од овој сегмент на тестирањето.