Музичкото дуо Драган Спасов – Дац и Александар Митевски ѝ подари на македонската публика нова љубовна балада со наслов „Четири страни“.

Во видеозаписот, кој е достапен за јавноста, се појавуваат младата манекенка Клара Кокев и раперот Давид Данилоски, познат под уметничкото име Јанг Дади.

Александар Митевски е творецот на музиката, текстот и аранжманот на песната.

Песната носи препознатлив емоционален печат на дуото, а нејзиниот рефрен ја доловува суштината на приказната:

„Ти ги знаеш моите маани,
сите песни и кафани,
светот има четири страни,
а јас само една – ти…“

„Четири страни“ веќе е достапна на дигиталните платформи и за кусо време доби позитивни реакции од публиката.