По четири години Црвена звезда повторно е во групите на фудбалската Лига на шампионите, вечерва во групата „Г“ српскиот првак загуби на стадионот „Етихад“ со 3:1 од Манчестер сити.

Белградските „црвено-бели“ изненадувачки водеа по првото полувреме, непосредно пред паузата предност за гостите донесе Букари (45`).

Актуелниот европски шампион предводен од Пеп Гвардиола веднаш на стартот од вториот дел израмниј благодарение на погодокот на Алварез (47`).

Истиот играч ги израдува „граѓаните“ со позитива во 60 минута, а конечниот епилог го постави Родри во 73 минута.

Најубедлива вечерва беше Барселона која со 5:0 го совлада белгискиот Антверпен во групата „Х“.

Жоао Феликс, кој ја започна гол-серијата на каталонскиот гигант беше двоен стрелец, Левандовски и Гави се запишаа по еднаш во листата на стрелците, а автогол во 22 минута си постигна Батаи.

ПСЖ со головите на Мбапе од пенал во 49 минута и Хакими во 58 минута пред своите навивачи во Париз го совлада составот на Борусија Дортмунд.

Во другите мечеви: Феенорд – Селтик 2:0, Лацио – Атлетико Мадрид 1:1 и Шахтјор Доњецк – Порто 1:3.

ВИДЕО: Милан и Њукасл одиграа без голови, Лајпциг стартуваше со победа во ЛШ